На 29ти февруари на Скопски Саем (Дипломатик сала) во Скопје ќе се одржи промотивен настан кој ќе го најави почетокот на проектот „Заедно за успех: млади претприемачи, движечка сила за добри меѓуетнички односи“ финансиран од Европската Унија. Проектот ќе го имплементираат четири партнерски организации: Фондација Претприемачки Сервис за Млади, Фондација за менаџмент и индустриско истражување, Фондација Евро Центар и Здружение на граѓани Милениум.
Главната цел на проектот е да допринесе кон развојот на мултикултурната демократија и стабилност преку зголемување на капацитетите на младинските граѓански организации и младите претприемачки од различни етнички групи. Во оваа насока, проектот ќе го промовира претприемништвото како заедничка меѓуетничка перспектива која ги поврзува младите, граѓанскиот сектор и сите релевантни владини институции.
Промотивниот настан ќе даде осврт на претстојните активности кои ќе се реализираат во рамки на проектот:
- Спроведување на анализа на потребите и предизвиците на младите претприемачи од различни етнички заедници;
- Организирање на претприемачки кампови за млади претприемачи, граѓански организации и претставници од општини;
- Реализирање на промотивна кампања за промовирање и јакнење на меѓуетничките односи помеѓу целните групи;
- Финансирање на проекти на граѓански организации наменети за промоција на младинско претприемништво и меѓуетничка соработка.
Агенда
(09:45 – 10:00) Регистрација
(10:00 – 10:15) Поздравен говор
(10:15 – 11:00) Презентација на проектните активности и очекувани резултати
(11:00 – 12:00) Коктел
Датум: 29ти февруари 2016 година
Локација: Скопски Саем, Дипломатик Сала
Пријавување за учество на е-маил aleksandar.filiposki@yes.org.mk или на телефон 02 3108 891 најдоцна до 26ти февруари 2016 година.
Проектот е имплементиран од: